Notícies Veir istoric
Inaugurat eth campanau dera glèisa de Vielha
Dera man deth conselhèr Mascarell e er arquevesque d’Urgelh
Dimenge 21 de seteme s’inaugurèc eth campanau dera glèisa de Sant Miquèu de Vielha dera man deth Conselhèr de Cultura dera Generalitat, Ferran Mascarell, e er arquevesque d’Urgelh, Joan Enric Vives, dempús qu’er an passat un rai hesse impacte ena torreta deth temple en tot provocar un incendi que deishèc era estructura inestable.
Er acte tanben compdèc damb era preséncia deth baile der Ajuntament de Vielha, Alex Moga, diuèrsi membres deth Conselh Generau d’Aran includit eth Sindic Carlos Barrera e eth vice-president dera Deputacion de Lhèida, Pau Perdices.
Adès dera inauguracion deth campanau, eth conselhèr Mascarell signèc eth libre d’aunor der Ajuntament de Vielha. Damb toti es convidadi ena glèisa, er arquevesque beneïc era naua torreta deth temple e dempús totes es personalitats signèren er acta d’inauguracion deth campanau.
Fin finau, se realizèren balhs aranesi ena Plaça dera Glèisa a cargue des còlhes es Fradins de Vielha e Santa Maria de Mijaran, acompanhadi de còca e cava entà toti.