Notícies Veir istoric
Er Ajuntament de Vielha e Mijaran e eth Grèmi d’Ostalaria dera Val d’Aran crearàn un Comité de trabalh entà decidir sus era modificacion e es sollicituds de terrasses en Municipi.
Es hèts qu’an passat enes darrèri dies en bèri establiments an portat ara creacion d’aguest comité que preten cercar alternatiues as terrasses en tot respectar en tot moment era distància de seguretat interpersonau, accessibilitat e convivé
Er Ajuntament de Vielha e Mijaran e
eth Grèmi d’Ostalaria dera Val d’Aran contunhen en tot trabalhar tà promòir
mesures qu’ afavorisquen era progressiua reactivacion economica deth sector e
que garantisquen era distància minima de seguretat interpersonau.
En aguest sens, pendent era darrèra amassada,
s’a acordat era creacion d’un Comité de trabalh, format ena sua majoria per
tecnics der Ajuntament, un membre der equip de Govèrn, dus membres deth Grèmi
d’Ostalaria e un representant deth Conselh dera Vila, màxim òrgan de
participacion ciutadana municipau, que servirà entà deliberar sus era
modificacion e installacion de naues terrasses en Municipi, en tot respectar en
tot moment era convivéncia vesiau, era accessibilitat e es caracteristiques de
cada zòna, e en tot auer en compde era legislacion e era normatiua aplicabla.
Es sollicituds s’auràn de realizar de
forma individuau a trauès dera sedença electronica der Ajuntament de Vielha e
Mijaran o de forma presenciau, en tot demanar cita prèvia. Aguest tipe de
tramit non ei nau, donques es demanes des terrasses cau formalizar-les cada an
tà sollicitar era preceptiva licéncia municipau, damb es requisits establidi
ena ordenança reguladora.
Enguan e degut ara crisi sanitària se
publiquèc era Orde SND/399/2020, deth 9 de mai qu’enes articles 15 e 16 deth
Capítol IV, permet er increment dera superfície entàs terrasses existentes damb
era finalitat de poder mantier era distància minima de seguretat. Tanhent ad
aguesta modificacion, poderàn demanar-la es establiments qu’enguan dejà dispausen de licéncia.
D’aute biais, era installacion de
naues terrasses l’ hauràn de demanar aqueri establiments que non l’an demanada
jamès o qu’encara non agen formalizat era peticion d’enguan sus era basa dera
ordenança reguladora.
Er objectiu ei minimizar es efèctes
qu’era COVID-19 genère ena economia, en tot fomentar oportunitats d’aucupacion,
e en tot afavorir que se pogue garantir era distància interpersonau e eth control
der aforament des establiments.
Ath delà tanben s’a procedit ara
suspension dera taxa d’aucupacion de terrasses, çò que represente entath sector
ua reduccion ena pression fiscau.