Notícies Veir istoric
Subministrament d’aigua provisionau en carrèr Gausac
A raïtz d’ua pana
Aué diuendres 19 de seteme, a raitz d’ua pana en ua canerada d’aigua en carrèr de Gausac de Vielha, ara nautada dera rotonda principau, que s’a produsit aguest dijaus pera net, era brigada der Ajuntament de Vielha e Mijaran a installat aguest diuendres un baipàs superficiau entà poder assegurar eth servici d’aigua de manèra provisionau e immediata.
Aguest dijaus, 18 de seteme, sautèc ua pana d’aigua en carrèr Gausac. Entàs 12.30 ores dera net s’apraièc, mès dètz menutes mès tard se detectèc ua auta pana pòqui mètres mès ensús en madeish carrèr.
Peth moment, aguest diuendres s’a procedit a ua reposicion e canalizacion deth servici de canerades d’aigua, entà provedir d’aigua as bastisses, negòcis e vesins afectadi dera zòna.
Eth deluns 22 de seteme se repreneràn es òbres entà retirar eth subministrament provisionau e apraiar eth problèma de manèra definitiua.
19/09/2014