Notícies Veir istoric
Ges a licitacion eth projècte de reabilitacion deth depòsit regulador d’aigua enes nuclèus de Vielha e Betren
Ua òbra tanplan de besonh entà garantir eth subministrament, en tot eliminar es pèrtes d’aigua pes filtracions e eth renfortiment estructurau der hormigon, e garantir era seguretat ena zòna superiora deth depòsit
Er Ajuntament de Vielha e Mijaran trè a licitacion eth projècte de reabilitacion deth depòsit regulador d’aigua enes nuclèus de Vielha e Betren. D’aguesta manèra s’adaptarà eth sistèma d’abastiment d’aigua potabla d’aguesti pòbles.
Aguesta intervencion ei ua òbra de besonh, e qu’a de servir entà garantir eth subministrament, en tot eliminar es pèrtes d’aigua pes filtracions e eth renfortiment estructurau der hormigon, e garantir era seguretat ena zòna superiora deth depòsit.
Es interessadi an enquiath pròplèu 7 de junhsèga entà presentar es sues prepauses, entà ua intervencion que durarà un totau de dus mesi coma contracte d’òbres.
Tota era informacion restacada damb aguesta licitacion ei plaçada ena sedença electronica dera plana web der Ajuntament de Vielha e Mijaran, en apartat “Perfil deth Contractant”.
Aguesta licitacion respon ath compromís der equip de govèrn der Ajuntament de Vielha e Mijaran entà apariar era totalitat des depòsits municipaus pendent era actuau legislatura.