Notícies Veir istoric
Er Ajuntament amplie pendent tot er ostiu es trabalhs de desinfeccion diària en Vielha e Mijaran
Era brigada municipau netege es carrèrs de tot eth municipi, sustot, der airau sanitari e parcs infantils, entà previer eth contagi dera COVID-19
Er Ajuntament de Vielha e
Mijaran contunhe en tot aplicar un vast plan de neteja de tot eth municipi,
entà previer eth risc de contagi dera COVID-19. Aguesta intervencion que
comencèc pendent er estat d’alarma seguís aué dia, en tot refortilhar es prètzhèts
de desinfeccion de toti e cadun des pòbles deth municipi. Ua mesura que se
realize des de prumèra ora deth maitin, e que suberven, sustot, en airau
sanitari, a on i a fòrça mès risc entàs pacients der Espitau Val d’Aran e es
usatgèrs dera Residéncia Geriatrica Sant Antòni de Vielha. En aguest sens, a
trauès d’ua maquina aigualejadora, s’a implementat er esfòrç entà desinfectar e
netejar aguesti espacis, atau coma es parcs infantils, qu’era mainadèra ja pot
gaudir. Enes parcs, precisament, era desinfeccion tanben s’amie a tèrme
diariament entà qu’es mès petiti e es pairs e mairs poguen auer era seguretat
de que son espacis liures de risc de contagi, e que pòden jogar damb tota
tranquillitat.
Aguesta neteja a estat ua
constant enes darrèri quate mesi, en tot mantier es espacis publics en melhor
estat possible entà garantir era salut dera ciutadania e des visitants que i
aurà aguest ostiu en Vielha e Mijaran.