Notícies Veir istoric
Informacion tàs ciutadans estrangèrs residents en Vielha e Mijaran
De cara as eleccions municipaus de 2015
Ciutadans dera UE
Entara formacion deth cens electorau d’estrangèrs europèus residents en Espanha (CERE) de cara as pròplèus eleccions municipaus deth 24 de mai de 2015, es ciutadans dera Union Europèa (UE) residents en municipi de Vielha e Mijaran, que complisquen es requisits entà èster electors exigidi as espanhòus, poderàn exercir eth sòn dret a vòt tostemp que complisquen damb eth següent tramit.
- Ramplir eth modèl de sollicitut entara inscripcion ath cens electorau entàs eleccions municipaus des ciutadans nacionaus de païsi dera UE.
(modèl de sollicitut)
- Era sollicitut se pòt presentar per Internet; ena recepcion der Ajuntament de Vielha e Mijaran; o per corrèu postau ara Delegacion Provinciau dera OCE.
(enlaç tà presentar era sollicitut per internet)
Arrebrembam qu’eth termini entà presentar era sollicitut finalize eth 30 de deseme de 2014. Es presentades dehòra d’aguesta data non s’includiràn en cens des eleccions municipaus deth 24 de mai de 2015.
Ciutadans de dehòra dera UE
Es ciutadans de païsi dehòra dera UE damb acòrds de reciprocitat entàs eleccions municipaus (Bolívia, Cap Verd, Chile, Colómbia, Corèa, Equator, Islàndia, Norvègia, Naua Zelanda, Paraguai, Peró e Trinitat e Tobago), que siguen inscriti en padron municipau, siguen en possession dera autorizacion de residéncia en Espanha e agen residit legauments en Espanha pendent cinc ans (tres en cas des noruècs), poderàn votar se complissen eth madeish tramit exigit as ciutadans dera UE, anteriorments explicat.
10/12/2014