Notícies Veir istoric
Se proïbissen es amassades de mès de 10 persones autant en airau privat coma en public
Era resolucion dera Generalitat de Catalunya tanben s’aplique en sector dera restauracion damb un maxim de 10 persones per taula o agrupacions enes taules des terrasses, restaurants e bars
A compdar d’aguest dissabte 29 d’agost, se proïbissen es amassades de mès
de 10 persones autant en airau privat coma en public. Ua mesura que siguec
aprovada ager pera Generalitat de Catalunya, a trauès d’ua resolucion entà
combàter era pandémia dera COVID-19.
Aguesta proïbicion ei aplicable tanben entàs taules plaçades enes
terrasses, restaurants e bars, damb un maxim de dètz persones per taula o
agrupacion d’aguestes.
Sonque demoren dehòra d’aguesta proïbicion es activitats laboraus; es
mieis de transport public; es activitats de culte religiós; noces; e ceremònies
de dòl, entre d’autes. Tanpòc s’includissen es activitats culturaus, lúdiques,
recreatives e esportives.
Aguesta resolucion dera Generalitat serà d’obligatòri compliment en tota
Catalonha pendent es pròplèu 15 dies.
29/08/2020