Notícies Veir istoric
Signatura des convènis de collaboracion damb entitats solidàries
Damb er Ajuntament de Vielha e Mijaran
Eth deluns 15 de deseme, er Ajuntament de Vielha e Mijaran, dera man deth sòn baile, Alex Moga, a signat es convènis de collaboracion damb dues entitats solidàries deth municipi entà arreconéisher, sostier e arregraïr era importància deth sòn trabalh umanitari.
Un des acòrds a estat damb era Associacion de Volentaris Val d’Aran que se li sostier economicaments damb 900 èuros entath sòn exercici ordinari de 2014. Entre d’autes activitats, aguesta entitat organize eth ‘Eth dia der Espòrt en Vielha e Mijaran’ e tanben ‘Era Corsa e Caminada des 15 pòbles’. Er objectiu d’aguesta associacion ei collaborar damb activitats esportiues, culturaus e sociaus entà arribar ath maxim public possible.
Er aute convèni ei damb era Associacion de Donants de Sang dera Val d’Aran, a qui se li concedís ua subvencion de 600 èuros entara sua activitat de 2014 coma es campanhes de donacion de sang. Aguesta entitat a coma objectiu promòir era donacion de sang entre es ciutadans dera Val d’Aran entà collaborar damb eth Banc de Sang i Teixits.