Notícies Veir istoric
Projeccion deth mapping ‘Eth Holet – Era Hemna d’aigua’
Dissabte 27 de deseme ena façada der Ajuntament de Vielha e Mijaran
Dissabte que ven 27 de deseme, se celèbre un mapping ena façada der Ajuntament de Vielha e Mijaran en commemoracion des 50 ans dera dubertura dera estacion d’esquí Baqueira-Beret. Era projeccion, que començarà tàs 21 ores, consistirà ena legenda des Pirenèus ‘Eth Holet – Era Hemna d’aigua’.
Aguesta sason 2014/15, era estacion d’esquí dera Val d’Aran, Baqueira-Beret, complís 50 ans. Er Ajuntament de Vielha e Mijaran vò commemorar aguesta data damb era projeccion d’ua anciana istòria des nòstes montanhes.
‘Eth Holet – Era Hemna d’aigua’ ei un viatge a trauèrs des heiredes montanhes nheuades des Pirenèus en tot passar per grani bòsqui, enquia trobar era magia e eth mistèri en un lòc prohond. Aquiu s’amaguen es hemnes d’aigua, èssers polidi as que non cau guardar enes uelhs entà evitar quèir en un encantèri que sonque era innocéncia pura pòt des-hèir.
Aguesta aventura condusís ar espectador a víuer ua experiéncia unica, a on quedaràn enamoradi de çò que veiràn e soniaràn. Com se visiten Vielha e Mijaran e Baqueira-Beret en un viatge fantastic que comencèc hè 50 ans.
16/12/2014