Notícies Veir istoric
Fundació “la Caixa” e CaixaBank apòrten 13.500 € entà renauir eth mobiliari deth Casau deth Jubilat “Sant Miquèu” de Vielha
Damb aguesta intervencion se finalizarà era melhora qu’er Ajuntament a amiat a tèrme en aguest equipament pendent eth sòn barrament pera pandémia
Er Ajuntament de Vielha e Mijaran, Fundació “la Caixa” e CaixaBank an signat un convèni qu’aportarà 13.500 € entà finançar er aquesiment d’un nau mobiliari entath Casau deth Jubilat “Sant Miquèu” de Vielha. Ua collaboracion fòrça importanta, pr’amor que supause eth renauiment deth materiau basic que permet melhorar es condicions dera installacion de cara as sòns usatgèrs.
Era
gent grana ei un des pilars a on eth consistòri e era fondacion
privada vòlen seguir en tot cooperar e, en aguest cas, entà
invertir en melhorar un des espacis d’òci de dia damb mès tradicion
entad aguest sector dera societat en municipi de Vielha e Mijaran.
Damb
aguest convèni se procedirà a cambiar eth mobiliari, que ja s’auie
quedat vielh e obsolet, e que completarà es trabalhs ja realizadi
pendent eth sòn barrament pera pandémia per part der Ajuntament de
Vielha e Mijaran laguens deth locau, damb ua reforma complèta
d’aguest servici (substitucion deth solèr, repintat de totes es
parets, enlumenat, eca.).
Autant
er Ajuntament de Vielha e Mijaran coma era Òbra Social “La Caixa”
pòrten ans en tot collaborar de manèra conjunta ena melhora des
installacions municipaus.
“Voi
dar
es gràcies a Fundació “la Caixa” e Caixabank per aguest nau
acòrd de collboracion, que permeterà qu’era nòsta gent grana
dispòse d’un espaci en condicions e damb eth melhor materiau
possible” comente
eth baile de Vielha e Mijaran, Juan Antonio Serrano. E ahig que “quan
era pandémia mos ac permete, tornaram a daurir aguest espaci, atau
coma eth centre de joenessa, entà qu’era gent torne pòc a pòc a ua
cèrta normalitat”.
21/12/2020