Notícies Veir istoric
Er Ajuntament de Vielha e Mijaran daurís era convocatòria deth 1èr periòde de subvencions de 2021
Enquiath pròplèu 31 de març, totes aqueres persones o entitats que volguen, poderàn demanar ajudes entàs activitats restacades damb er espòrt, era musica, cultura, joenessa, servicis sociaus, torisme, hèstes e ensenhament entre d’auti
A compdar d’aguest dimars 23 de hereuèr, er Ajuntament de Vielha e Mijaran daurís era convocatòria deth prumèr periòde de subvencions de 2021 en municipi.
Enquiath pròplèu 31 de març, totes aqueres persones o entitats que volguen, poderàn demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
Es activitats que poguen èster subvencionades, s’an de desvolopar pendent er 1 de deseme de 2020 e eth 30 de noveme de 2021 (includidi) a excepcion des activitats que se realizen en relacion ath cors escolar. Es subvencions pòden demanar-se a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00, en aguest darrèr cas, sonque per miei deth representant legau.
Un viatge finalizada era convocatòria, er Ajuntament notificarà as interessadi era resolucion de concession o arrefús des subvencions en un periòde de tres mesi. Ath delà, se procedirà a publicar en BOP de Lhèida era lista de subvencions autrejades e tanben en tablèu d’anoncis der Ajuntament.
23/02/2021