Notícies Veir istoric
Balanç positiu des Hèstes de Vielha 2014
Deth passat 7 enquia er 11 de seteme Vielha a acuelhut es sues hèstes majors en çò qu’an estat diuèrsi dies plens d’activitats, encetadi eth diuendres 5, a on era participacion a estat fòrça nauta e er ambient viscut en municipi a estat de celebracion continua.
Eth baile de Vielha e Mijaran, Alex Moga, a volut “arregraïr tant era participacion des vesins, coma eth trabalh dera comission de hèstes e era brigada der Ajuntament”. “Podem afirmar qu’es hèstes an estat tot un exit, donques qu’era gent s’ac a passat ben e a gaudit. A compdar de ja començam a trabalhar de cara as hèstes der an que ven entà qué seguisquen aguesta bona linha”, a finalizat Moga.
Entre eth pialèr d’activitats, es mès exitotes a on era participacion a estat mès nauta, trapam era classica baishada deth Cap dera Vila, atau coma eth concors de disfrassi ena net tematica, eth passavila damb era benvenguda ara Reina e es Dames d’Aunor dera hèsta, tanben era desfilada de penhes e eth gran loto bingo. Cau lamentar es activitats que non se poderen realizar eth deluns pera tarde a causa deth mau temps e er incident deth ‘chupinazo’.
Es hèstes an artenhut fòrça repercussion enes hilats sociaus, a on se podem trobar imatges de practicaments toti es eveniments realizadi. Ath delà, tanben s’a creat eth hashtag #EraHèsta2014 qu’a agut fòrça tirada.
Tanben ei de besonh arregraïr eth papèr dera comission dera hèsta e es sòns membres qu’an realizat un trabalh impecable sense eth que non auesse estat possible portar a tèrme era celebracion.