Notícies Veir istoric
Er equip de govèrn de Vielha e Mijaran repren es amassades periodiques damb es Entitats Municipaus Descentralizades
Ena darrèra reunion s’a profitat entà parlar sus era problematica der accès ara viuenda e era implementacion d’abitatge sociau en municipi e dera gestion des actuacions enes nheuades pendent er iuèrn
Aguest dimars a agut lòc ua naua amassada der equip de govèrn der Ajuntament de Vielha e Mijaran damb es desparièrs presidents des Entitats Municipaus Descentralizades (EMD), en tot repréner es reünions que s’amien a tèrme periodicament.
En
aguesta escasença, s’a tractat era problematica der accès ara
viuenda en municipi. A arraïtz dera constitucion dera taula der
abitatge de Vielha e Mijaran pendent aguest mes de març, er equip de
govèrn a transmetut era volentat d’aufrir supòrt economic as EMD
ena implementacion de viuenda sociau en cada pòble deth municipi,
enes terrens e bastisses que se volgue destinar a d’aguesta
intencion, atau coma balhar supòrt as desparières iniciatives que
poguen generar-se.
D’aute
biais, pendent aguesta amassada tanben s’a parlat sus era gestion des
actuacions que s’an realizat pendent aguest iuèrn ath torn des
nheuades enes diuèrsi pòbles e des diuèrses
òbres,
projèctes tecnics
e licitacions que s’amien
a
tèrme
des de cada pedania
enguan.
Er
objectiu ei contunhar en tot amiar a tèrme aguestes amassades de
forma periodica, en tot auer-i un contacte estret entre er equip de
govèrn municipau e es EMD ath long der an.