Notícies Veir istoric
Eth Plen der Ajuntament de Vielha e Mijaran a aprovat era modificacion deth cartipàs municipau damb eth quau se produsissen cambis de representants en organismes a on eth consistòri a representacion
Aguesti organs collegiadi son restacadi damb diuèrsi airaus coma: cultura, educacion o medi naturau entre d’auti, a on era corporacion municipau compde damb representants
Aguest maitin, eth Plen der Ajuntament de Vielha e Mijaran, amassat en session ordinària, a aprovat damb es vòts a favor d’Unitat d’Aran, era abstencion de Convergéncia Aranesa e eth vòt en contra d’Aran-Amassa, era modificacion deth cartipàs municipau, a trauès deth quau s’a procedit a modificar era representacion des membres qu’eth consistòri manten en diuèrsi organs collegiadi.
En aguest sens, era corporacion municipau de Vielha e Mijaran a representacion en organismes de diuèrsi airaus coma: cultura, educacion o medi naturau, e damb aguesta modificacion, se preten mantier aguesta representacion, en tot redistribuïr era representacion institucionau.