Notícies Veir istoric
Dubèrta era convocatòria de dues places de socorristes entara piscina exteriora deth Palai de Gèu entar ostiu
Es interessadi/es an de presentar es sollicituds en Servei d’Ocupació de Catalunya (SOC) abantes der 11 de junh
Er Ajuntament de Vielha e Mijaran a aprovat es bases entara contractacion de dues places de socorristes entara piscina exteriora deth Palai de Gèu. Eth servici qu’auràn d’aufrir coma personau laborau serà pendent er ostiu, en periòde que s’esten entre eth 21 de junh e eth 5 de seteme. Aguesta aufèrta a estat presentada en Servei d’Ocupació de Catalunya (SOC) entà contractar temporaument aguest personau.
S’a iniciat eth termini entà qu’es interessadi/es poguen hèr arribar era sua sollicitud, qu’auràn de formalizar abantes der 11 de junh. D’aguesta manèra s’inicie eth periòde deth procès de seleccion, en qu’es candidats auràn de complir es següentes requisits:
- Dispausar deth Certificat oficiau de socorrista aquatic.
- Aportar eth Certificat actualizat conforme non cònste en Registre de "Delictes de natura sexuau".
- Justificant d’èster inscrit en ROPEC (Registre Oficiau de Professionaus der Espòrt en Catalonha)
- Liurar fotocòpia deth DNI o fotocòpia deth passapòrt.
- Curriculum Vitae e documentacion acreditativa des merits que s’alleguen