Notícies Veir istoric
Alex Moga arrecep as herits peth ‘chupinazo’ des Hèstes
Dimars 9 de seteme, eth baile de l’Ajuntament de Vielha e Mijaran, Alex Moga, s’amassèc damb es afectadi per incident pendent eth ‘chupinazo’ des hèstes majors eth dimenge 7, a on sèt persones sigueren herides peth petard.
Ena reünion entre eth baile e es sèt prejudiciadi, quate per cremades e tres per afectacions enes audides, se certifiquèc qu’eth lançament se realizèc enes condicions excellentes entad açò e qu’er artefacte ère perfèctaments omologat. Eth consistòri valore era possibilitat qu’er error neishesse en un defècte deth petard.
Entre es mès danhadi per accident, se tròbe ua hemna damb cremades superficiaus ena esquia e problèmes ena audida. Es herits non sofriren afectacions grèus e se recupèren favorablaments.
Er Ajuntament de Vielha e Mijaran s’a metut ara disposicion des afectadi entà hèr-se cargue des tractaments medicaus a trauèrs dera assegurança deth consistòri. Era municipalitat contactarà damb era empresa provedidora entà qué assumisque eth còst des tractaments.
09/09/2014