Notícies Veir istoric
Eth baile de Vielha e Mijaran, Juan Antonio Serrano, refuse era demanda de dimission qu’a hèt Convergéncia Aranesa en plen municipau d’aguest dimèrcles
Serrano a desestimat era peticion pr’amor qu’a estat formulada sense fondaments, e serie anar contra era volontat dera ciutadania
Eth grop municipau dera oposicion en Ajuntament de Vielha e Mijaran, Convergéncia Aranesa, a demanat per miei deth sòn portavotz, Pau Perdices, era dimission deth baile municipau, Juan Antonio Serrano, en plen ordinari celebrat aguest dimèrcles. Ua demana qu’a estat refusada peth pròpri baile.
Serrano defen qu’ei un hèt lèu sense precedents, en tot deféner qu’ei dehòra de lòc demanar era dimission d’un baile que trabalhe entà arténher eth benèster e es melhors servicis entara ciutadania de tot eth municipi.
“Sò estonat per aguesta demana hèta per Convergéncia Aranesa, pr’amor que non a cap sentit. Era volontat populara siguec autrejar-mos era confidança pendent aguesta legislatura e per respècte precisament ara volontat des nòsti ciutadans non l’accèpti”, comente eth baile de Vielha e Mijaran, Juan Antonio Serrano.
28/07/2021