Notícies Veir istoric
Un totau de 45 mainatges e mainades receberàn era subvencion qu’er Ajuntament de Vielha e Mijaran balhe as menors que participen en casaus d’ostiu deth municipi
En totau s’an recebut 35 sollicituds, de manèra qu’eth consistòri destinarà lèu 6000€ entà ajudar as familhes vulnerables a paliar ua part des efèctes dera crisi provocada pera pandémia dera COVID-19
45 mainatges e mainades de Vielha e Mijaran se veiràn beneficiadi/es dera subvencion qu’er Ajuntament de Vielha e Mijaran balhe as menors que participen en casaus d’ostiu en municipi.
Eth consistòri recebec un totau de 35 sollicituds, e era quantitat totau qu’era administracion destinarà entà d’aguest ahèr ei ath torn des 6000 €, dempús d’estudiar totes es peticions.
D’aguesta manèra, er Ajuntament de Vielha e Mijaran autrege ua importanta ajuda as familhes en uns moments economics fòrça complicadi a conseqüéncia dera aparicion dera pandémia dera COVID-19.