Notícies Veir istoric
Eth 2 d’agost retorne era activitat dera planta baisha deth Palai de Gèu, un viatge finalizades es òbres dera prumèra fasa de reparacion dera estructura
Se repreneràn es activitats dirigides enes espacis qu’èren abituaus abantes dera intervencion, atau coma era dera rèsta d’entitats qu’an locaus en aguest endret, a exceptat dera Bibliotèca Generau de Vielha qu’ac harà eth 16 d’agost
A compdar d’aguest pròplèu deluns 2 d’agost, se repren era activitat ena planta baisha deth Palai de Gèu, un viatge s’an finalizat es trabalhs dera prumèra fasa de reparacion dera estructura d’aguesta bastissa.
En aguest sens, es usatgèrs d’aguesta installacion esportiva municipau poderàn tornar a realizar es activitats dirigides enes espacis qu’èren abituaus abantes deth sòn barrament eth passat mes de març. Per tant, a compdar d’ara, se recuperen es servicis autant de maitin coma de tarde.
D’aute biais, es entitats que tanben dispausen de locaus ena planta baisha dera bastissa, tanben tornaràn ath sòn emplaçament abituau. En cas dera Bibliotèca Generau de Vielha era sua redubertura se produsirà eth 16 d’agost.
“Èm fòrça contenti de
començar a repréner era activitat en Palai de Gèu, que pòc a pòc
torne ara sua normalitat, prèvia ath barrament obligat pes problèmes
ena estructura”,
comente eth baile de Vielha e Mijaran. E ahig que “auiem
previst daurir en seteme era planta baisha e, fin finau, auem podut
auança’c un mes, damb eth conseqüent benefici entà toti es
usatgèrs dera installacion”.
Ara manquen es trabalhs dera dusau fasa de reparacion, que permeterà daurir es servicis dera prumèra planta (pista de gèu e piscines interiores), qu’ei previst que siguen en foncionament en gèr de 2022.
31/07/2021