Notícies Veir istoric
Er Ajuntament de Vielha e Mijaran a realizat trabalhs de melhora en depòsit d’aigua de Vilac
Damb aguesta actuacion, qu’a compdat damb era brigada municipau e personau deth plan aucupacionau, s’a separat eth sistèma des valvules dera cloracion entà garantir eth bon foncionament deth depòsit
Pendent aguesti darrèri dies, er Ajuntament de Vielha e Mijaran a realizat trabalhs de melhora en depòsit d’aigua de Vilac, entà garantir era seguretat d’aguest equipament.
Damb aguesta intervencion s’a amiat a tèrme era separacion deth sistèma des valvules deth sistèma dera cloracion. D’aguesta manèra, s’assolide un bon foncionament des valvules, en tot evitar eth sòn contacte dirècte damb era cloracion der aigua.
En aguesta actuacion s’a compdat damb eth personau dera brigada municipau e deth plan aucupacionau contractat peth consistòri enguan.
Atau madeish, tanben s’a bastit un mur perimetrau dessús deth pròpri depòsit entà refortilhar era sua seguretat.
“Damb aguesta intervencion en depòsit de Vilac auem garantit ua melhora importanta en servici qu’aufrim as vesins e vesies deth pòble en un servici basic coma ei er aigua”, comente eth còsso d’òbres e servicis de Vielha e Mijaran, Jacint Cuny. E ahig que “des der Ajuntament de Vielha e Mijaran seguim damb eth compromís de melhorar e reformar es depòsits d’aigua deth municipi pendent aguesta legislatura”.