Notícies Veir istoric
Vielha e Mijaran scenari de bona part dera 24au Corsa e Caminada des 15 Pòbles deth pròpleu 29 d’agost
Dempús d’auer-se suspenut era edicion de 2020 pera pandémia dera COVID-19, enguan torne a celebrar-se aguest competicion abituau en calendari esportiu aranés, que trauèsse bona part de Vielha e Mijaran e finalize en Vielha
Eth pròplèu 29 d’agost, se celèbre era 24au edicion dera Corsa e Caminada des 15 Pòbles, organizada pes Volentaris dera Val d’Aran. En 2020 er eveniment siguec suspenut pera aparicion dera pandémia dera COVID-19 e, enguan, se torne a celebrar damb es tradicionaus distàncies.
En aguest sens, i aurà es corses de 21, 11 e 5 kms (aguesta darrèra infantila) e es Caminades de 15 e 5 kms. Es corses de 21 e 11 km e era Caminada de 15 km gesseràn d’Es Bòrdes mentre qu’era corsa e caminada de 5 kms gesseràn de Montcorbau. Totes eres finalizaràn en Vielha.
Eth prètz dera inscripcion ei de 25€ entàs corses de 21 e 11 km e era Caminada de 15 km, mentre q’era corsa e era caminada de 5 kms auràn un prètz de 15€. Entà formalizar era inscripcion podetz accedir ara plana web: www.corsa15pobles.org (enquiath 26 d’agost) o presenciaument: Enquiath 26 d’agost en Banc Sabadell e es dies 27 e 28 d’agost en Conselh Generau d’Aran. Era samarreta der eveniment ei includida laguens deth Welcome Pack.
Bona part deth recorregut d’aguesta competicion trauèsse diuèrsi pòbles e paratges naturaus deth municipi de Vielha e Mijaran, en tot finalizar en cap-lòc dera Val d’Aran.
Entà mès informacion sus er eveniment, podetz consultar era plana web oficiau: www.corsa15pobles.org