Notícies Veir istoric
Er Ajuntament de Vielha e Mijaran renauís eth convèni annau damb eth Casau deth Jubilat “Sant Miquèu” de Vielha
Damb ua partida de 20.000 €, eth consistòri seguís en tot ajudar ara junta deth casau ena preparacion e dinamizacion des desparières activitats que se realize pendent tot er an en aguesta installacion
Er Ajuntament de Vielha e Mijaran a renauit, un an mès, eth convèni de collaboracion damb era junta deth Casau deth Jubilat “Sant Miquèu” de Vielha.
Ua collaboracion que ven acompanhada d’ua partida de 20.000 € damb era qu’eth consistòri preten seguir en tot ajudar ara junta d’aguesta installacion municipau entà que pogue premanir e desvolopar eth programa d’activitats annau damb es sòns usatgèrs.
Aguesta ajuda permet qu’es usatgèrs pogue seguir en tot auer un espaci abituau a on poder anar a interactuar pendent era setmana, en tot èster un servici basic entà d’aguest sector dera societat de Vielha e Mijaran.
En 2020, a conseqüéncia dera pandémia dera COVID-19, eth casau se barrèc, e se profitèc entà hèr ua importanta remodelacion des installacions, gràcies a un convèni damb era Fondacion “La Caixa”, e ben lèu se tornarà a daurir es sues pòrtes ath public.
“Des der Ajuntament de Vielha e Mijaran seguim en tot apostar per ajudar economicament ath Casau deth Jubilat, pr’amor que desvolòpe ua foncion sociau tanplan importanta entara nòsta gent grana”, comente eth baile de Vielha e Mijaran, Juan Antonio Serrano. E ahig que “d’aguesta manèra, es usatgèrs poderàn gaudir de fòrça activitats ath long der an. Dempús d’un an barrat a conseqüéncia dera pandémia, ben lèu tornarà a èster disponible”.
15/09/2021