Notícies Veir istoric
Er Ajuntament de Vielha e Mijaran e era EMD de Betren trèn a subasta 1784 m³ de biomassa forestau des montanhes d’utilitat publica
D’aguesta manèra, se profitarà era biomassa entath sòn posterior emplec coma hònt energetica sostenibla, en tot garantir ua corrècta gestion e neteja des bòsqui, en ua accion conjunta damb eth Conselh Generau d’Aran
Er Ajuntament de Vielha e Mijaran e era Entitat Municipau Descentralizada de Betren trèn a subasta un totau de 1784 m³ de biomassa forestau des montanhes d’utilitat publica. En Betren s’an artenhut 1372 m³ des Pales de Sòto, mentre que dera Ribèra deth Nere en Vielha se subasten 412 m³.
Es interessadi en aguesta subasta de profitament dera husta auràn de presentar es proposicions ena secretaria der Ajuntament de Vielha e Mijaran en orari des 9 as 14 ores, enquiath pròplèu 4 d’octobre. Era dubertura des proposicions s’amiarà a tèrme ena sala de plens deth consistòri eth pròplèu 5 d’octobre entà meddia. Tota era informacion de besonh entà realizar es prepauses se trape en següent enlaç web: http://www.vielha-mijaran.org/contractantFitxa/148
Aguesta accion preten profitar era biomassa des montanhes d’utilitat publica entath sòn posterior emplec coma hònt energetica sostenibla. D’aguesta manèra, ath delà, se garantís ua gestion e neteja avientes des bòsqui publics, en tot èster ua accion conjunta entre er Ajuntament de Vielha e Mijaran damb eth Conselh Generau d’Aran.
22/09/2021