Notícies Veir istoric
Era Junta de Govèrn apròve era convocatòria deth 2au periòde de subvencions de 2021
A compdar d’aguesta setmana, totes aqueres entitats que volguen, an enquiath 30 d’octobre entà demanar ajudes enes activitats restacades damb er espòrt, era musica, cultura, joenessa, servicis sociaus, torisme e hèstes entre d’autes
Er Ajuntament de Vielha e Mijaran met a disposicion des ciutadans eth dusau periòde de subvencions de 2021 en municipi, iniciat aguest dimèrcles 22 de seteme.
Totes aqueres entitats que volguen, auràn enquiath 30 d’octobre entà demanar ajudes entàs activitats restacades damb es airaus der espòrt, era musica, cultura, joenessa, servicis sociaus, torisme, hèstes, ensenhament e cooperacion entre d’auti.
Es activitats que poguen èster subvencionades, s’an de desvolopar pendent er 1 de deseme de 2020 e eth 30 de noveme de 2021 (includidi) a excepcion des activitats que se realizen en relacion ath cors escolar. Es subvencions pòden demanar-se a trauès dera sedença electronica der Ajuntament de Vielha e Mijaran o directament ena sedença fisica deth consistòri en orari des 09:00 as 14:00.
Un viatge finalizada era convocatòria, er Ajuntament notificarà as interessadi era resolucion de concession o arrefús des subvencions en un periòde de tres mesi. Ath delà, se procedirà a publicar en Bulletin Oficiau dera Província de Lhèida era lista de subvencions autrejades e tanben en tablèu d’anoncis der Ajuntament.
23/09/2021