Notícies Veir istoric
Er Ajuntament de Vielha e Mijaran a reabilitat eth paviment deth pati dera Escòla Mairau municipau “Era Cunhèra” de Vielha
S’a realizat era substitucion der antic solèr de losetes de goma, que se trapaue en un estat maumerenc a conseqüéncia dera climatologia e deth sòn emplec, per un nau paviment amortigüat continu de mès durabilitat e damb un dessenh infantil
Er Ajuntament de Vielha e Mijaran a finalizat es òbres de reabilitacion deth paviment deth pati dera Escòla Mairau “Era Cunhèra” de Vielha.
Era intervencion ère plan de besonh, pr’amor qu’er antic solèr de losetes de goma se trapaue en un estat fòrça maumerenc a conseqüéncia des condicions climatologiques advèrses e deth sòn emplec contunhat pera mainadèra deth centre. En aguest sens, s’a substituït eth solèr de losetes antic per un de nau de tipe amortigüat e continu que garantís ua màger durabilitat.
Aguest nau paviment protegís as escolans deuant de possibles queigudes, en tot auer un celh de 40 mm format per ua capa de goma qu’aporte més seguretat. Ath delà, er acabat ei compausat des tres colors estandards existents: vermelh, blu e verd, ath delà d’integrar jòcs en solèr.
Aguesta reabilitacion deth paviment deth pati deth centre escolar a compdat damb ua partida de mès de 19.000 € per part deth consistòri.
“Damb era remodelacion deth paviment deth pati dera Escòla Mairau auançam ena melhora d’un equipament important en municipi, pr’amor que presentaue grèus deficiéncies e un estat maumerenc, comente eth còsso d’ensenhament de Vielha e Mijaran, Alberto López, e ahig que “ara toti es escolans poderàn gaudir d’un espaci segur e adaptat as sons besonhs”.
27/09/2021