Notícies Veir istoric
Convocatòria d’ua plaça temporau de vigilant municipau en Vielha e Mijaran
Es foncions seràn es de suenhar es bens, servicis e installacions municipaus, ordenar e regular eth transit, velhar peth compliment des normes, ordenances e d’autes disposicions municipaus, entre d’autes
Er Ajuntament de Vielha e Mijaran a daurit era convocatòria entà corbir ua plaça temporau de vigilant municipau.
Er orari e dedicacion setmanau poirà èster en torns de maitin, tarde o net en foncion deth besonh deth servici. Atau madeish, tanben prestarà servici pendent es hèstes, autant de caracter locau, coma nacionau o autonomic, quan i age lòc era celebracion d’activitats hestiues, esportiues o culturaus, quan atau ac requerisque era corporacion.
Es foncions seràn es de suenhar es bens, servicis e installacions municipaus, ordenar e regular eth transit, participar en prètzhèts d’auxili as ciutadans e proteccion civila, velhar peth compliment des normes, ordenances e d’autes disposicions municipaus, e tramitar expedients electronics d’ahèrs administratius, entre d’autes.
Es
interessadi/es en optar ara plaça auràn d’èster inscrits en
Servei d’Ocupació de Catalunya, a on poiràn consultar es bases, e
auràn de presentar era sollicitud en burèu de Vielha pes mieis
abituaus.
Era retribucion serà conforme ath grup e complements determinadi ena relacion dera plantilha entar an 2021.
28/10/2021