Notícies Veir istoric
Eth Centre de Joenessa “Antara” de Vielha e Mijaran artenh mès de 250 joeni pendent es prumères setmanes de dubertura
Aguestes granes chifres, l’assoliden coma espaci de referéncia de trobada entara joenessa deth municipi, dempús d’auer estat barrat mès d’un an e miei a conseqüéncia dera pandémia dera COVID-19
Eth Centre de Joenessa “Antara” de Vielha e Mijaran artenh granes chifres de participaires pendent es prumères setmanes de dubertura, dempús d’auer estat barrat pendent mès d’un an a conseqüéncia dera aparicion dera pandémia dera COVID-19.
Pendent aguest prumères tres setmanes de dubertura, s’an enregistrat mès de 250 persones en centre, en tot auer artenhut auer 50 persones per dia. En aguest sens, s’an tornat a recéber donades qu’èren abituaus abantes dera pandémia.
“Antara” s’assolide, per tant, coma er espaci de referéncia de trobades des joeni deth municipi, de 12 a 18 ans, pendent es dimenjades e hestius.
Ath delà, enes pròplèu setmanes se recuperaràn es talhèrs tematics qu’aueren fòrça participacion ans endarrèr, entà qu’es usatgèrs poguen desvolopar desparières activitats especifiques sus era educacion e era cultura, entà trabalhar valors restacadi damb era educacion emocionau, era tolerància, era democràcia, eth desvolopament personau, atau coma es sues capacitats creatives e critiques.
“Èm satisfèts d’aguesta acuelhuda per part des usatgèrs, a compdar dera redubertura deth centre de joenessa, en tot arribar a enregistrar chifres prealables ara aparicion dera pandémia, çò qu’assolide coma er espaci qu’es nòsti/es joeni/es vòlen entà jogar e interactuar damb d’auti/es joeni/es pendent es dimenjades e epòques hestiues”, comente eth còsso de joenessa de Vielha e Mijaran, Alberto López.
18/11/2021