Notícies Veir istoric
Era Escòla Mairau “Era Cunhèra” de Vielha realize corsi de formacion ath sòn personau pendent eth mes de deseme
Es corsi que s’impartiràn seràn sus: disléxia, es ambients d’aprendissatge coma naua prepausa educatiua, aplicacion dera educacion visuau e plastica ena aula e psicomotricitat
Pendent eth mes de deseme era Escòla Mairau “Era Cunhèra” de Vielha realize corsi de formacion ath sòn personau.
Es corsi que s’impartiràn son: “Disléxia, mès enlà des dificultats ena lectura”, “Es ambients d’aprendissatge coma naua prepausa educatiua”, “Aplicacion dera educacion visuau e plastica ena aula” e “ Psicomotricitat”.
Aguesta formacion contunhada ei essenciau entà balhar ath personau deth centre es coneishements de besonh entà que poguen desvolopar es sòns prètzhèts pedagogics e didactics damb er alumnat.
“Des deth consistòri credem de besonh qu’eth professorat dera Escòla Mairau “Era Cunhèra” de Vielha seguisque en tot aquerir mès coneishements, entà melhorar era sua labor, qu’ei essenciau entara mainadèra, pr’amor qu’enes prumèri ans dera sua escolarizacion aprenen valors que dempús les an d’ajudar enes següentes etapes escolares”, comente eth còsso d’ensenhament de Vielha e Mijaran, Alberto López.