Notícies Veir istoric
Vielha vò potenciar era cultura
Er Ajuntament de Vielha e Mijaran a lançat un plan estrategic-culturau ‘Vielha Cultura 2014-2016’ qu’a coma objectiu ensalzar es indicadors culturaus, identitari e lingüistics d’Aran e posicionar Vielha coma cap-lòc culturau.
Er Ajuntament de Vielha e Mijaran a lançat un plan estrategic-culturau ‘Vielha Cultura 2014-2016’ qu’a coma objectiu ensalzar es indicadors culturaus, identitari e lingüistics d’Aran e posicionar Vielha coma cap-lòc culturau.
Es sòns tres pilars basics se basen ena autoestima e consciéncia dera cultura aranesa, voler hèr un escambi culturau damb er exterior e aufrir dehòra dera Val d’Aran tot er auviatge culturau entà dar a conéisher era cultura d’Aran.
Eth projècte ‘Vielha Cultura 2014-2016’ engoblará toti es àmbits: auviatge culturau e naturau, musèus, interpretacion, musica, hestivaus, artesania, premsa, mejans audiovisuaus... Ua des granes aportacions d’aguesta causa ei era participacion ciutadana.
Eth consistòri cerque damb açò, que se definisquen totes es accions possibles damb era collaboracion des persones que viuen e trabalhen dera cultura.
Eth programa presentat ei iniciau, ara se somet a tot eth teishut culturau entara sua participacion e implicacion qu’a previst finalizar en junh de 2016.
Atau eth dusau semèstre de 2016 serà entà difóner era huelha de rota confeccionada amassa e aplicar eth document finau aprovat per part der Ajuntament de Vielha e Mijaran en 1 de gèr de 2017.
En paraules deth baile de Vielha, Àlex Moga, “Èm disposadi a hèr dera cultura, dera nòsta identitat e dera nòsta lengua un cas unic en Euròpa e exportar-la en mon. Atau madeish potenciar eth consum culturau, era creativitat culturau e crear es estruments entà posicionar Vielha coma cap-lòc culturau en Euròpa".
18/03/2015