Notícies Veir istoric
Era EMD de Casau a realizat trabalhs de melhora en cementèri
Damb aguesta intervencion avalorada en 6400€ subvencionada pera Diputació de Lleida, s’a sanejat eth solèr, en tot plaçar-i graua entre es cavòts, entà evitar que pogue aparéisher males èrbes
Pendent aguestes darrères setmanes, era Entitat Municipau Descentralizada de Casau a amiat a tèrme trabalhs de melhora e condicionament deth cementèri deth pòble.
Aguesta intervencion avalorada en 6400€ a estat subvencionada ath 100% pera Diputació de Lleida, laguens deth Plan economic entàs ens locaus en airau dera salut previst entà enguan.
Es prètzhèts que s’an realizat an estat es següents: s’a plaçat graua per tot eth solèr deth cementèri, entre es cavòts, entà evitar que pendent era primauera e er ostiu i poguen créisher males èrbes. Ath delà, s’amie a tèrme er apariament dera pòrta d’entrada deth cementèri, pr’amor que se trapaue en un estat fòrça maumerenc, que non se podie barrar, e serà restaurada. Atau madeish s’a realizat era neteja dera paret a on s’i trape ua parabanda, de manèra que tot er entorn deth cementèri demore sanejat.
09/12/2021