Notícies Veir istoric
Vielha celèbre aguest dimèrcles 5 de gèr era tradicionau Cavaucada de Reis
A conseqüéncia dera COVID-19, se cambiarà eth recorregut, en tot èster més long pes carrèrs de Vielha e eth tradicionau discors se poderà veir enes hilats sociaus der Ajuntament de Vielha e Mijaran entà evitar aglomeracions ena plaça dera Gl
Aguest dimèrcles 5 de gèr, Vielha torne a celebrar era tradicionau Cavaucada de Reis, en çò que supause er auanç dera net mès demorada der an entà tota era familha.
Enguan, a conseqüéncia dera situacion complicada que viuem pera varianta Omicron dera pandémia dera COVID-19, i aurà diuèrses modificacions enes activitats abituaus d’aguesta jornada: Per un costat, eth recorregut dera pròpria Cavaucada s’a modificat. Er inici s’amiarà a tèrme en Poligon Industriau de Mijaran tàs 18 ores, en tot pujar pera Avenguda Calbetó Barra, crotzar Vielha peth centre pera Avenguda Castièro e era Avenguda Pas d’Arró, en tot virar ena Avenguda deth Solan (deuant der Institut d’Aran e dera Escòla Garona), entà seguir pera Avenguda Garona, enquia baishar entà Mijaran, a on finalizarà eth recorregut.
Cau remercar que pendent eth recorregut i aurà halhes, mès sonque seràn alugades pes membres deth còs de Pompièrs e Emergéncies d’Aran.
Se rebrembe a toti es assistents eth besonh de complir es mesures vigentes de prevencion de contagi dera COVID-19 pendent era Cavaucada: emplec obligatòri des masquètes e mantier era distància interpersonau de seguretat d’1,5 mètres. Per aguest motiu, se recomane ara gent qu’evite, tostemp que sigue possible, es aglomeracions e que se distribuïssen pes desparières zònes deth recorregut.
D’aute biais, eth discors deth Rei Melcior, qu’abituaument se hège en balcon der Ajuntament de Vielha e Mijaran, enguan se poderà seguir enes hilats sociaus oficiaus deth consistòri, un viatge age finalizat era Cavaucada des Reis.
04/01/2022