Notícies Veir istoric
Eth baile de Vielha e Mijaran, Juan Antonio Serrano, inaugurarà eth pròplèu 22 de gèr un monument en aumenatge e reconeishement ara gent grana, pr’amor dera COVID-19, enes jardins der Espitau Val d’Aran
Ar acte, qu’aurà lòc a compdar des 12 ores, i assistirà era sindica d’Aran, Maria Vergés, e compdarà damb er escultor deth monument, José Antonio Díez de Quevedo, que liurarà desinteresadament aguesta òbra a Vielha coma mòstra dera sua
Er Ajuntament de Vielha e Mijaran inaugurarà eth pròplèu 22 de gèr un monument en aumenatge e reconeishement ara gent grana, pr’amor dera COVID-19, en un acte qu’aurà lòc enes jardins plaçadi deuant der Espitau Val d’Aran de Vielha.
Eth baile de Vielha e Mijaran, Juan Antonio Serrano, entestarà aguest acte, ath quau tanben i assistirà era sindica d’Aran, Maria Vergés. En madeish acte i serà present er artiste e escultor deth monument, José Antonio Díez de Quevedo, qu’a creat e liurat desinteresadament aguest monument a Vielha, en tot èster ua mòstra dera vinculacion estrèta der autor damb era Val d’Aran pendent hè fòrça ans.
Tanben se liurarà ua replica deth monument as representants des dus casaus deth jubilat que i a ena Val d’Aran: Casau deth Jubilat “Sant Miquèu” de Vielha e Centre Sociau de Jubilats de Bossòst.
“En nòm der Ajuntament e de tota era societat aranesa, voi trasladar un arregraïment especiau a José Antonio Díez de Quevedo per liurar aguesta òbra ath pòble de Vielha. Credem qu’aguest acte d’aumenatge e reconeishement ara gent grana ei plan de besonh, pr’amor que pendent aguesti darrèri dus ans dera COVID-19, eri an estat un exemple de luta que mos a de servir de guida a toti/es”, comente eth baile de Vielha e Mijaran, Juan Antonio Serrano.
13/01/2022