Notícies Veir istoric
Er Ajuntament de Vielha e Mijaran inície aguest pròplèu 15 de gèr ua nau edicion deth cicle “Teatre Familhar”, qu’aurà lòc un dissabte ath mes en Era Audiovisuau
I aurà quate espectacles de gèr a abriu: “La llàntia meravellosa” (15 de gèr), “Lumière” (19 de hereuèr), “Tempus” (19 de març) e ”Quan tocàvem de peus a terra” (16 d’abriu), qu’auràn lòc entàs 18 ores, a un prètz de 5
Er Ajuntament de Vielha e Mijaran met en foncionament eth cicle “Teatre Familhar 2022” a compdar d’aguest pròplèu 15 de gèr.
Pendent es mesi de gèr e abriu i aurà ua foncion de teatre ath mes. En totau son quate espectacles qu’auràn lòc ena jornada de dissabte entàs 18 ores a un prètz de 5 èuros era entrada.
Aguesta format ei ua apòsta d’exit, qu’artenh que fòrça gent gaudisque en familha, e qu’eth consistòri refortilhèc est an passat damb es cicles “Ostiu en Familha” e “Teatre Familhar 2021” (celebrat ena tardor).
Eth calendari d’espectacles ei eth següent: “La llàntia meravellosa” dera companhia Festuc Teatre (15 de gèr), “Lumière” de Txema Muñoz (19 de hereuèr), “Tempus” dera companhia El que ma queda de teatre (19 març) e “Quan no tocàvem de peus a terra” dera companhia Circ Pistolet (16 d’abriu).
“Des der Ajuntament de Vielha e Mijaran seguim en tot apostar peth cicle de Teatre Familhar en 2022, en tot contunhar damb ua formula d’espectacles que shaute fòrça as familhes, en tot hèr arrir e divertir autant a grani coma petiti”, comente era còsso de cultura der Ajuntament de Vielha e Mijaran, Raquel Martínez.