Notícies Veir istoric
Era Rota deth Bandarra entre en Vielha
Era Associacion de Bars de Vielha tamb era collaboracion der Ajuntament de Vielha e Mijaran a lançat ua nau aufèrta d’òci en Vielha.
Era Associacion de Bars de Vielha tamb era collaboracion der Ajuntament de Vielha e Mijaran a lançat ua nau aufèrta d’òci en Vielha.
Damb eth nòm era Rota deth Bandarra “Rota deth vermouth e tapes”, un totau de 10 establiments de restauracion , vòlen aufrir ua tapa e un vermut, per dus euros damb 50 centims pendent es dissabtes de tot er an.
Çò que cèrque aguesta rota ei non sonque hèr-se un lòc es dissabte senon que tanben intentar èster ua referencia coma s’a artenhut tamb eth Pintxo-Pote des dimarts.
Per tant, aguesta rota deth bandarra serà ua naua auferta que se igerà as diuèrses qu’aufrís dejà eth caplòc deth país ena cèrca d’elements de referencia entara Val d’Aran.
Entà dar a conéisher aguest producte s’an dessenhat uns librets tamb toti es establiments participants atau coma eth sòn emplaçament en Vielha que pretèn èster tanben ua guida entà es que mos visiten coma destinacion toristica. En aguest sens, er Ajuntament ath delà de patrocinar aguesta publicacion tanben en promocionarà eth producte en pòble e as ciutadans.
En paraules deth baile de Vielha e Mijaran, Àlex Moga, “er ajuntament da e darà supòrt a totes aqueres iniciatives que placen Vielha coma destinacion d’òci e gastronomia e que melhoren era nòsta destinacion toristica. Ath delà de dar supòrt a un sector qu’ei fòrça dinamic e cada viatge mès competitiu. Cada viatge Vielha receb mès toristes que demanen ua aufèrta alternativa ath long dera jornada”.
19/03/2015