Notícies Veir istoric
Eth plen der Ajuntament de Vielha e Mijaran apròve eth cambi dera delimitacion des tèrmes municipaus de Vielha e Mijaran e Es Bòrdes
Aguesta modificacion, implementada a instàncies dera Generalitat de Catalunya, se produsís a conseqüéncia des cambis causadi pes riuades de 2013 en airau proper ara Artiga de Lin
Pendent era session ordinària celebrada ager dimèrcles, eth plen der Ajuntament de Vielha e Mijaran aprovèc eth cambi dera delimitacion des tèrmes municipaus de Vielha e Mijaran e Es Bòrdes en airau proper ara Artiga de Lin.
Aguesti cambis se produsiren a conseqüéncia des riuades patides ena Val d’Aran en 2013, a on er arriu Joeu cambièc eth sòn emplaçament dempús de desbordar-se e provoquèc movements de quauqui terrens que delimiten ambdús municipis.
Aguesta naua delimitacion a estat implementada a instàncies dera Generalitat de Catalunya, a trauès der Institut Cartogràfic i Geològic de Catalunya, e s’a aprovat damb es vòts a favor d’Unitat d’Aran e Convergéncia Aranesa, e a compdat damb era abstencion d’Aran-Amassa.
D’aute biais, eth plen tanben aprovèc era rectificacion annau der inventari de béns der Ajuntament.