Notícies Veir istoric
Betren compde damb 1 Desfibrilador Extèrn Automatic, que se trape en exterior dera sala sociau dera EMD
Aguest aparelh a estat subvencionat ath 100% pera Diputació de Lleida, en tot aufrir garanties de seguretat e de prevencion ena via publica, en tot convertir Betren en pòble cardio-protegit
Era Entitat Municipau Descentralizada de Betren compde des d’aguest iuèrn damb 1 Desfibrilador Extèrn Automatic (DEA) que se trape en exterior dera sala sociau dera EMD.
Er aqueriment d’aguest aparelh a estat subvencionat ath 100% pera Diputació de Lleida, en tot balhar garanties de seguretat e de prevencion ena via publica o en quinsevolh des equipaments municipaus que compden damb aguestes airines.
Atau madeish, Betren s’establís coma pòble cardio-protegit, e ajudarà a poder actuar damb rapidesa, en prumèra instància, en cas d’incidéncies de patologies deth còr. D’aguesta manèra, eth pòble guanhe en qualitat de vida.
Aguesta accion, avalorada en 3.239,80€, includís eth dispositiu d’installacion (columna o vitrina), un curs de formacion, que s’amiarà a tèrme era pròplèu setmana, e un an de mantenement.