Notícies Veir istoric
Er Ajuntament de Vielha e Mijaran daurís es pre-inscripcions entàs corsi de patinatge e natacion entara sason 2022-23 en Palai de Gèu
Es interessadi/es en apuntar-se as diuèrsi nivèus de patinatge ja se pòden inscríuer, a compdar deth 4 de junhsèga, mentre qu’es interessadi/es enes corsi de natacion ac poderàn hèr a compdar deth 16 d’agost
Er Ajuntament de Vielha e Mijaran daurís es periòdes entà poder realizar es pre-inscripcions as desparièrs nivèus des corsi de patinatge e natacion en Palai de Gèu, de cara ath cors escolar 2022-23, que s’iniciaràn en mes de seteme.
A compdar deth 4 de junhsèga, ja se pòden realizar es pre-inscripcions as diuèrsi corsi de patinatge: Iniciacion (1 dia ara setmana, damb un totau de 30 sessions), Auançat (2 dies ara setmana, damb un totau de 60 sessions), Tecnificacion (3 dies ara setmana, damb un totau de 90 sessions) e Grup de Competicion (5 dies ara setmana, damb un totau de 150 sessions). Entàs corsi de patinatge i a desparièrs prètzi en foncion s’er alumnat ei, o non, abonat ath Palai de Gèu, e s’a de besonh eth loguèr des patins.
D’aute biais, es pre-inscripcions as corsi de natacion se poderàn realizar a compdar deth 16 d’agost. En aguest sens, i aurà corsi d’1 dia (30 sessions) e 2 dies ara setmana (60 sessions), en tot poder matricular ara mainadèra a compdar des 3 ans (o que pendent er inici deth cors complisque es 3 ans). I a dus oraris: des 17:20 as 18:05 e des 18:15 as 19:00. Eth prètz des corsi tanben varien en foncion s’er alumnat ei, o non, abonat ath Palai de Gèu.
Entà formalizar es pre-inscripcions, e obtier mès informacion sus es prètzi des corsi, podetz adreçar-vos ara recepcion deth Palai de Gèu, en orari de deluns a diuendres des 09:00 as 13:00 e des 15:00 as 21:00.