Notícies Veir istoric
Eth plen der Ajuntament de Vielha e Mijaran apròve era mocion de supòrt ar aranés en tot refusar era Lei 8/2022 aprovada pera Generalitat de Catalunya
Aguesta mocion, que ja s’aprovèc en Conselh Generau d’Aran, demane ara Generalitat de Catalunya e ath Parlament de Catalunya que modifique era Lei 8/2022 entà qu’er aranés seguisque constant coma lengua veïculara e que se respècte era ofic
Aguest maitin, eth plen der Ajuntament de Vielha e Mijaran a aprovat per unanimitat era mocion presentada peth grop municipau d’Unitat d’Aran entà exigir ara Generalitat de Catalonha e ath Parlament de Catalonha era modificación dera Lei 8/2022 sus er emplec e aprenedissatge des lengües oficiaus en ensenhament non universitari, en çò que hè ath reconeishement der aranés coma lengua pròpria d’Aran e oficiau en Catalunya e deth sòn caractèr coma lengua veiculara e d’aprenedissatge ena escòla aranesa.
Vielha e Mijaran s’ahig ara declaracion institucionau aprovada peth Conselh Generau d’Aran en aguest ahèr, en tot refusar eth mensprètz que recep er aranés ena lei nomentada.
Er aranés a estat un des principaus èishi vertebradors dera nòsta societat e qu’a impulsat un modèl lingüistic d’èxit e que garantize qu’er escolanat aranés acabe era sua etapa d’educacion obligatòria damb eth mestreg de cinc lengües: es tres oficiaus (aranés, catalan e castelhan) e dues d’estrangères (francés e anglés).
Pendent eth plen tanben s’a aprovat eth compde generau der exercici 2021 e s’a balhat informacion dera liquidacion deth pressupòst municipau de 2022 a data de 30 de junh.