Notícies Veir istoric
Aguest dissabte, 6 d’agost, se celèbre era 9au edicion dera corsa Era Nocturna de Vielha
Un an mès, aguest classic der espòrt de Vielha e Mijaran, torne damb es abituaus corses de 5 e 10 kms, era caminata populara “Paquita Gracia” e es corses infantiles
Aguest dissabte, 6 d’agost, Vielha torne a èster er escenari d’ua naua corsa Era Nocturna de Vielha, qu’enguan celèbre era sua 9au edicion, e qu’ei organizada peth Club Atletic Val d’Aran en collaboracion damb er Ajuntament de Vielha e Mijaran.
Era Nocturna torne damb es distàncies abituaus: corses de 5 e 10 kms, era caminata populara “Paquita Gracia” e es corses infantiles: Tortuguetes (0 a 3 ans), Esquiròs (4 a 6 ans) e Lèbes (7 a 12 ans).
Enquia diuendres entàs 00 ores, toti/es es interessadi/es en participar, pòden inscriuer-se ena plana web: www.nocturnadevielha.com. Eth limit de participaires qu’acuelherà Era Nocturna ei de 700 corredors/es.
Aguesta corsa compde damb era particularitat de celebrar-se en un circuit de 5 kms pes carrèrs de Vielha, en tot córrer o caminar de net.
Diuendres 5 d’agost se pòden recuélher es dorsaus e er obsequi, des 16 as 21 ores, e eth dia 6, dia dera corsa, des 11 as 13 ores e des 15 as 18 ores en Passeig dera Libertat de Vielha.
Es oraris des competicions deth dia 6 son es següenti: 19:00 (corses infantiles), 20:00 (caminata populara “Paquita Gracia”), 21:00 (corses de 5 e 10 kms). Fin finau, entàs 22:30 s’amiarà a tèrme eth liurament de prèmis e tòia de prèmis.
03/08/2022