Notícies Veir istoric
Er Ajuntament de Vielha e Mijaran e Nordic Walking Theraphy-Val d’Aran organizen aguest dimenge 2 d’octobre era 1èra Caminada pera Escleròsi Multiple en Vielha
Eth prètz deth dorsau ei de 10 èuros e er impòrt totau anarà dirigit as accions e programes dera Fundació Esclerosi Multiple
Aguest dimenge 2 d’octobre, Vielha acuelh era 1èra Caminada pera Escleròsi Multiple. Er Ajuntament de Vielha e Mijaran e Nordic Walking Theraphy-Val d’Aran organizen aguest eveniment solidari damb er objectiu de requectar sòs entàs accions e programes qu’era Fundació Esclerosi Multiple realize entà contribusir a milhorar era qualitat de vida des persones que patissen aguesta malautia.
Eth prètz deth dorsau dera caminada ei de 10 €, e vos podetz inscríuer ena Oficina de Torisme de Vielha o ena plana web www.curses.cat. Era recaptacion totau anarà dirigida ara Fundació Esclerosi Multiple.
Eth programa dera jornada ei eth següent: Entàs 10 ores, gessuda dera caminada des dera Plaça dera Glèisa de Vielha, en tot completar un recorregut de 6,7 kms, e finalizar tath torn des 12 ores. Parallelament, i aurà, a compdar des 10 ores, classes de balh de salsa damb eth grop Balharan e animacion musicau damb Country’s Happy Aran. Entàs 12 ores, finalizarà er eveniment damb un aperitiu entà toti/es es participaires ena Plaça dera Glèisa.
Aguesta marcha ei ua iniciatiua dera volontària dera fondacion e còsso der Ajuntament de Vielha e Mijaran, Elena Vidal, atau coma deth pròpri consistòri que pretenen balhar visibilitat ath collectiu de persones damb escleròsi multiple.
“Des der Ajuntament de Vielha e Mijaran vos animam a toti/es a préner part d’aguest eveniment solidari entà requectar sòs entara Fundació Esclerosi Multiple e ajudar a qui patissen aguesta malautia. Damb aguesti sòs, ajudaram a milhorar era sua qualitat de vida”, comente era còsso de medi naturau e païsatge der Ajuntament de Vielha e Mijaran e volontària dera fondacion, Elena Vidal.
28/09/2022