Notícies Veir istoric
Era Escòla Mairau “Era Cunhèra” de Vielha realize corsi de formacion ath sòn personau pendent eth mes d’octobre
Es corsi que s’impartiràn seràn sus: alumnat damb trastorn der espèctre autista (TEA), aprendissatge basat en projèctes e afrontar es problèmes damb solucions creatiues
Pendent aguest mes d’octobre era Escòla Mairau “Era Cunhèra” de Vielha realize corsi de formacion ath sòn personau.
Es corsi que s’impartiràn son: “Responsa educatiua ar alumnat damb trastorn der espèctre autiste (TEA)”, “Aprendissatge basat en projèctes” e “Deth metòde scientific ath design thinking: afrontar as problèmes damb solucions creatiues”.
Aguesta formacion contunhada ei essenciau entà balhar ath personau deth centre es coneishements de besonh entà que poguen desvolopar es sòns prètzhèts pedagogics e didactics damb er alumnat.
“Des deth consistòri credem de besonh qu’eth professorat dera Escòla Mairau “Era Cunhèra” de Vielha seguisque en tot aquerir mès coneishements, entà melhorar era sua labor, qu’ei essenciau entara mainadèra, pr’amor qu’enes prumèri ans dera sua escolarizacion aprenen valors que dempús les an d’ajudar enes següentes etapes escolares”, comente eth còsso d’ensenhament de Vielha e Mijaran, Alberto López.
13/10/2022