Notícies Veir istoric
Ja son en foncionament es concorsi deth 21au aniversari dera Bibliotèca Generau de Vielha
Entà celebrar aguest aniversari, ja son en foncionament es tradicionaus concorsi: 7au Concors de Microrelats e eth 6au Conors de fotografia “Eth Mèn Repopet”
Era Bibliotèca Generau de Vielha celèbre enguan eth sòn 21au aniversari e, coma ja ei abituau, s’an metut en foncionament es tradicionaus concorsi d’aguest equipament municipau de Vielha e Mijaran.
Per un costat, era 7au edicion deth Concors de Microrelats a trauès deth hilat sociau Twitter. Entà participar cau que cada usatgèr d’aguesta plataforma seguisque eth compde dera Bibliotèca (@bibliovielha), e que ’piule’ un relat de 280 caràcters en aranés. Enguan, era tematica escuelhuda entath concors ei “Eth viatge dera vida”, en tot èster un microrelat de creacion pròpria e que non age estat premiat en d’auti concorsi. I a 3 categories: Ua entàs menors de 12 ans, ua auta de 12 a 17 ans e era d’adults. Se pòt participar enquiath 17 de noveme.
Ath delà, tanben ei en marcha eth 6au Concors de fotografia “Eth mèn repopet”, qu’amie a tèrme era Bibliotèca, amassa damb er Ajuntament e er airau de Pediatria der Espitau Val d’Aran. Aguest concors preten mostrar era vida vidanta des repopets (de 0 a 2 ans): ath torn deth leitatge maternau, es jòcs, es minjars, eth dromir… Es interessadi auràn d’enviar es fotografies enquiath 17 de noveme a: biblioteca@vielha-mijaran.org.
Eth liurament des prèmis se harà eth dia 24 de noveme, laguens des actes de celebracion deth 21au aniversari dera Bibliotèca Generau de Vielha.
21/10/2022