Notícies Veir istoric
Eth plen der Ajuntament de Vielha e Mijaran apròve era 6au modificacion de credit deth pressupòst de 2022
Damb aguesta aprobacion se poderà hèr front ara pujada de prètzi en çò que tanh a materiaus, atau coma des subministraments electrics e de consum des desparièrs equipaments municipaus
En plen extraordinari der Ajuntament de Vielha e Mijaran celebrat aguest maitin, s’a aprovat era 6au modificacion de credit deth pressupòst municipau de 2022.
Aguesta aprobacion, per valor de 362.875,35 € permeterà hèr front ara pujada de prètzi en çò que tanh a materiaus, atau coma des subministraments electrics e de consum des desparièrs equipaments municipaus. Deth totau d’aguesta modificacion, 184.975,11 € provien deth romanent de tresaureria deth consistòri.
En aguesta modificacion tanben demore reflectit un nau convèni damb Caritas Val d’Aran per valor de 15.000 € entà ahèrs sociaus.
“Aguesta modificacion de credit que venguem d’aprovar ère totaument de besonh, pr’amor qu’auem d’ajustar es despenes en materiaus e mantenement des installacions municipaus as prètzi actuaus”, comente eth baile de Vielha e Mijaran, Juan Antonio Serrano.
27/10/2022