Notícies Veir istoric
Eth Palai de Gèu de Vielha acuelherà un stage de tecnificacion de patinatge artistic es dies 3 e 4 de deseme, damb era patinadora e entrenadora internacionau, Sara Hurtado
Ei eth 2au stage de tecnificacion de patinatge artistic qu’acuelh eth Palai de Gèu d’ençà dera dubertura dera pista de gèu, dempús der impartit per entrenador italian, Lorenzo Magri, deth 23 ath 25 de seteme
Es pròplèu 3 e 4 de deseme, eth Palai de Gèu acuelh un stage de tecnificacion de patinatge artistic, impartit pera patinadora e entrenadora internacionau de dança, Sara Hurtado.
En aguest stage, Hurtado, e tecnics especialistes e dera Federació Catalana d’Esports d’Hivern, impartiràn classes as grups ISU, A, B e C. Es prètzi der stage son es següenti: Entàs categories ISU e A, 125€, mentre que entàs grups B e C, 50€. Entà formalizar era inscripcion es interessadi auràn de completar e signar pes pairs/mairs eth document d’autorizacion der stage e envia’c a jordi.haro@fceh.cat. Fin finau, auràn d’aumplir eth formulari d’inscripcion. Eth 25 de noveme finalize eth tèrme d’inscripcions.
Aguest stage ei organizat pera Federació Catalana d’Esports d’Hivern, amassa damb era Real Federacion Española de Deportes de Hielo, er Ajuntament de Vielha e Mijaran, eth Club d’Espòrts de Gèu Val d’Aran e era Generalitat de Catalunya.
Ei eth 2au stage de tecnificacion de patinatge artistic qu’acuelh eth Palai de Gèu d’ençà dera dubertura dera pista de gèu, dempús der impartit per entrenador italian, Lorenzo Magri, deth 23 ath 25 de seteme.
31/10/2022