Notícies Veir istoric
Vielha e Mijaran apròve era exempcion deth pagament der IBI entar Espitau Val d’Aran e era Residéncia Geriatrica Sant Antòni de Vielha
Atau madeish, tanben s’a aprovat ua bonificacion deth 100% der Impòst sus Veïculs de Traccion Mecanica (IVTM) as veïculs de mès de 30 ans e as istorics
Aguest dimèrcles, eth plen der Ajuntament de Vielha e Mijaran ven d’aprovar, en session ordinària, era exempcion deth pagament der Impòst sus Bens Immòbles (IBI) ar Espitau Val d’Aran e ara Residéncia Geriatrica Sant Antòni de Vielha.
Aguesta mesura qu’a compdat damb es vòts a favor deth govèrn municipau d’’Unitat d’Aran e Convergéncia Aranesa e era abstencion d’Aran-Amassa. Aguesta exempcion s’aplicarà a compdar de 2026 en endeuant.
D’aute biais, s’a aprovat ua bonificacion deth 100% der Impòst sus Veïculs de Traccion Mecanica as veïculs de mès de 30 ans e as istorics. Enquiara existie ua bonificacion deth 70% e, a compdar de 2026, era gratuïtat serà absoluta.
“Damb era aprobacion dera exempcion deth pagament der IBI ar Espitau Val d’Aran e ara Residéncia Geriatrica Sant Antòni de Vielha, auem esmendat un error ena transcripcion dera ordenança pera quau en 2025 non s’auie podut aplicar, mès qu’en ans anteriors òc qu’ère vigenta”, comente eth baile de Vielha e Mijaran, Juan Antonio Serrano. E ahig que “en çò que tanh ara bonificacion as veculs antics, aplicam ua gratuïtat qu’ei fòrça abituau en d’auti municipis”.
Lieger mès
15/10/2025
Ja son en marcha es concorsi deth 24au aniversari dera Bibliotèca Generau Vielha
Lieger mès
09/10/2025
Ja ei dubèrt eth termini en Vielha e Mijaran entà sollicitar eth forfait de tempsada d’esquí 2025-26
Lieger mès
