Notícies Veir istoric
Er Ajuntament de Vielha e Mijaran e Caritas Diocesana d’Urgell renauïssen eth convèni entà ajudar as familhes vulnerables deth municipi
Eth consistòri aportarà 15.000€ entà collaborar enes despenes deth loguèr e subministraments, atau coma entara crompa d’aliments fresqui entara ciutadania que se trape en risc d’exclusion sociau
Er Ajuntament de Vielha e Mijaran e era entitat Caritas Diocesana d’Urgell an renauït eth convèni de collaboracion iniciat en 2021 entà ajudar ara ciutadania deth municipi que mès ac a de besonh, e qu’a estat greument afectada pera crisi economica generada.
Damb ua partida de 15.000€ eth consistòri ajudarà as familhes vulnerables e en risc d’exclusion sociau des pòbles de Vielha e Mijaran en pagament des despenes deth loguèr e subministraments des sòns larèrs, atau coma ena crompa d’aliments fresqui, e que serà gestionada per Caritas.
“Des der Ajuntament ajudam as familhes vulnerables e en risc d’exclusion sociau, entà melhorar eth sòn benèster en un moment fòrça complicat pera crisi economica que viuem”, comente eth baile de Vielha e Mijaran, Juan Antonio Serrano. E ahig que “ara renauïm eth convèni iniciat en 2021, e contunharam trebalhant en tot aufrir mès ajudes as nòsti/es vesins/ies pr’amor que son moments fòrça dificils, e volem èster ath sòn costat, en tot ajudar-les laguens des nòstes possibilitats”.
01/12/2022