Notícies Veir istoric
Er Ajuntament de Vielha e Mijaran inície aguest pròplèu 21 de gèr ua nau edicion deth cicle “Teatre Familhar”, qu’aurà lòc un dissabte ath mes en Era Audiovisuau
“Hai, la pescadora de somnis” (21 de gèr), “Valentina Quàntica” (25 de hereuèr), “Les pirates de terra endins” (18 de març), ”Un vestit nou per a l’emperador” (15 d’abriu) e “Petit un
Er Ajuntament de Vielha e Mijaran met en foncionament eth cicle “Teatre Familhar 2023” a compdar d’aguest pròplèu 21 de gèr.
Pendent es mesi de gèr e mai i aurà ua foncion de teatre ath mes. En totau son cinc espectacles qu’auràn lòc ena jornada de dissabte entàs 18 ores a un prètz de 5 èuros era entrada.
Aguesta format ei ua apòsta d’exit, qu’artenh que fòrça gent gaudisque en familha, e qu’eth consistòri refortilhèc est an passat damb eth cicle “Teatre Familhar 2022” (celebrat ena tardor).
Eth calendari d’espectacles ei eth següent: “Hai, la pescadora de somnis” dera companhia Giramagic (21 de gèr), “Valentina Quàntica” dera companhia Anna Roca (25 de hereuèr), “Les pirates de terra endins” dera companhia Sgratta Teatre (18 de març), ”Un vestit nou per a l’emperador” dera companhia La Pera Llimonera (15 d’abriu) e “Petit univers” dera companhia Marcel Gros (20 de mai).
“Des der Ajuntament de Vielha e Mijaran seguim en tot apostar peth cicle de Teatre Familhar en 2023, en tot contunhar damb ua formula d’espectacles que shaute fòrça as familhes, en tot hèr arrir e divertir autant a grani coma petiti”, comente era còsso de cultura der Ajuntament de Vielha e Mijaran, Raquel Martínez.
13/01/2023