Glèisa Sant Martin de Tours

973641815

info.museu@aran.org

Tipe: Glèisa

Sègle: XIII-XV

Estil arquitectonic:
Romanic-Gotic

Pòble: Gausac

DESCRIPCION

Era glèisa de Sant Martin de Gausac ei un des melhors exemples d’arquitectura gotica aranesa, un estil artistic pòc comun ena Val d’Aran. Demore articulada en ua soleta nau, damb era incorporacion de capèles lateraus e cabeçada per un absida poligonau. Maugrat era inusual unitat estilistica que demòstre era glèisa de Gausac, òc que se met de manifèst ua seqüencialitat constructiva que semble arringar des darreries deth sègle XIII o començament deth XIV enquia arribar ena plenitud formau gotica deth sègle XV.

Pr’amor dera intervencion efectuada en ostiu deth 2001, se confirmèc era preséncia d’elements constructius pertanhents ath darrèr periòde romanic. Er eretatge romanic tanben se manifèste en batiader; se tracte d’un vas cilindriforme a on i a esculpit un discors iconografic que la restaque damb es batiaders de Casau e Escunhau. Tanben d’epòca romanica ei er aiguasènher que trobaram encastrat en interior dera glèisa, pròplèu ara pòrta d’entrada; era sua decoracion se base en elements vegetaus (camères, huelhes), fòrça representativa deth rèste d’aiguasènhers (Mont, Casau, Escunhau, Begós). Era estructura arquitectonica dera glèisa se sosten a base de pilastres de seccion semicilindriques d’a on gessen es vòutes de crotzeria que corbissen era bastissa; era absida, en tot seguir es directritzes formaus deth gotic, ei de configuracion poligonau. Entà finalizar, conven destacar eth Crist esculpit que trobaram encastrat en mur deth nàrtex dera entrada e que poderie correspóner a un timpan dera anteriora glèisa romanica.

Inici

Agenda

Notícies

Guida

Mapa

Contacte

Menu

Newsletter

Email

Nòm

Cognòms

Soscriu-te

Glèisa Sant Martin de Tours

973641815

info.museu@aran.org

DESCRIPCION

Webs d’interès

Hilats sociaus