ES | CA | AR |

Newsletter

Email

Nòm

Cognòms

Soscriu-te

Agenda

23/04/2019

Er Ajuntament de Vielha e Mijaran inície un cicle de presentacion deth Centre de Joenessa Antara as joeni deth municipi

Aguesta setmana es alumnes de 1èr e 2au d’ESO der Institut d’Aran an visitat er equipament, en tot coneisher-lo e realizar activitats de dinamizacion de grups entà aquerir valors entath sòn creishement personau

Pendent aguesta setmana er Ajuntament de Vielha e Mijaran a iniciat un cicle de presentacion deth Centre de Joenessa Antara as joeni deth municipi. Mès de cent alumnes de 1èr e 2au cors dera ESO der Institut d’Aran an visitat eth nau espaci municipau, en tot auer podut conéisher prigondament tot çò qu’aufrís as usatgèrs.


Antara ei un espaci de participacion, de relacion e de dinamizacion entà favorir era coesion sociau, potenciar era interrelacion e prebotjar era plea ciutadania dera nòsta joenessa. Ath delà, consitutís un servici public e gratuït a on era joenessa pòt trobar un ample ventalh d’informacion e orientacion sus educacion, formacion, participacion, òci, salut, cultura, léser, concorsi, viatges, mobilitat internacionau que compde damb professionaus en encastre dera joenessa entà assessorar-les e acompanhar-les. Es joeni pòden emplegar aguest espaci entà jogar mès, sustot, entà aquerir tot un seguit de valors que lis serviràn en futur entath sòn creishement e desvolopament personau.


Precisament, pendent aguestes visites, era tecnica de joenessa, Estefanía Revilla, a explicat as alumnes en qué consistís aguest equipament e a trauès de diuèrses activitats de dinamizacion grupaus a volut prigondir en aprenentatge de valors coma: tolerància, igualtat, compartir e solidaritat, entre d’auti.


Antara preten èster er espaci de referéncia qu’es joeni agen ara sua disposicion entà poder amassar-se e poder amiar a tèrme es activitats que creiguen avientes, sustot en tot tier en compde es epòques de climatologia advèrsa que limiten es activitats d’òci des joeni en tot obligar ar hèt que siguen en interior. Eth centre ei dubèrt de diuendres a dimenge entre es 17:00 e es 20:30, mès pendent es hèstes de Pasca er orari se refortilhe, e serà dubèrt pendent toti es dies hestius, en madeish orari de tarde, entre eth 12 e eth 22 d’abriu.


Eth centre compde damb dinamizadors que favorissen eth corrècte foncionament dera installacion, e que fomentaràn era programacion d’activitats dirigides as diuèrses franges d’edats des joeni que l’empleguen. Eth locau compde damb connexion a fibra optica de 300MB e WiFi, ordinadors, jòcs, taules e prestatges damb revistes de diuèrses tematiques entàs joeni.

12/04/2019

Mapa

Cerques quauque lòc en Vielha e Mijaran?

Cerques quauque lòc en Vielha e Mijaran?

Tel +34 973 640 018 info@vielha-mijaran.org C/ Sarriulera 2. Vielha 25530 Lleida