Notícies Veir istoric
Dubèrta era convocatòria de contractacion d’ua plaça d’administratiu/a C-1 en Ajuntament de Vielha e Mijaran
Es prètzhèts administratius son laguens des servicis administratius, autant en airau de secretaria coma d’intervencion, e eth tèrme de presentacion de sollicituds ei dubèrt enquiath 10 d’agost
Er Ajuntament de Vielha e Mijaran trè mejançant concors/oposicion ua plaça d’administratiu/a C-1, en regim laborau interin, enquia corbir definitivament aguesta plaça.
Es prètzhèts administratius se placen laguens des servicis administratius, autant en airau de secretaria coma d’intervencion.
Es interessadi/es en obtier aguesta plaça an de tèrme enquiath pròplèu 10 d’agost entà presentar es sues sollicituds en Registre Generau der Ajuntament de Vielha e Mijaran.
Tota
era informacion der anonci e es bases sus aguesta convocatòria se
trapen en enlaç següent:
http://www.vielha-mijaran.org/ca/menu/l-acircajuntament/14/gesti-tilde-sup3-municipal/23/oferta-p-tilde-ordmblica-d-acircocupaci-tilde-sup3/30/
Era sollicitud aurà d’anar acompanhada de :
- Fotocòpia deth NIF o Passapòrt
- Justificant deth pagament de dret d’examen (12,23€)
- Curriculum Vitae
- Documentacion acreditativa de possession dera titolacion e requisits exigidi ena convocatòria
- Documentacion acreditativa des merits que s’alleguen a efècte d’alavoracion
- Es andicapadi ac auràn de hèr constar ena sollicitud, entà poder hèr es adaptacions de temps e mieis de besonh, entà garantir era igualtat d’oportunitats damb era rèsta de candidats.
Un
viatge finalizat eth tèrme de presentacion d’instàncies, era bailia
dictarà resolucion en un maxim d’un mes entà declarar aprovat eth
listat provisionau d’admetudi e excludidi. I aurà un periòde de
dètz dies entà presentar esmenes.
Un viatge acabat eth tèrme d’esmenes se publicarà eth listat definitiu d’admetudi e excludidi, e tanben es membres deth tribunau, atau coma eth dia e era ora en què se realizarà eth prumèr exercici de seleccion.
En tot auer finalizat es pròves, se liurarà ar organ competent era prepausa de candidat entara formalizacion deth contracte.